Avstraliyanın Sidney şəhərinin baytarlıq universitetinin tələbələri buraxılış təqviminin çəkilişləri üçün soyunublar.
ANS PRESS-in məlumatına görə, tələbələr bunu quraqlıqdan əziyyət çəkən fermerlərə kömək məqsədi üçün edib.
Dördüncü kurs tələbəsi Sidney şəhər sakini Mett Klifton bu aksiyada əsas hədəfinin Avstraliyanın ən pis təbii fəlakətlərindən biri haqqında əhalinin geniş məlumatlandırılması olduğunu qeyd edib. Avstraliyanın ən pis təbii fəlakətlərindən biri quraqlıq sayılır.
Tələbələrin hazırladığı təqvim
“Avstraliya dağıdıcı quraqlıq təsiri altındadır. Fermerlər ev, mal-qarasının sağ qalması üçün əsl mübarizə aparırlar. Biz onlara çətin vaxtlarda kömək etməyi bacarmaq üçün bəs edəcək sayda təqvim satmaq istəyirik” - deyə Klifton bildirib.
Avstraliyalı tələbələrin xeyriyyə təqvimi üçün artıq indidən sifarişlər gəlməkdə davam edir. Əhali bu təqvimlərə böyük maraq göstərir.
Keçən il Britaniyanın Uorikşir universitetinin tələbə qızları feministlərin çağırışlarına baxmayaraq xeyriyyə məqsədiylə əlaqədar təqvimdə çılpaq çəkilmişdilər. Təqvimin satışından əldə edilən pul vasitəsi ağır xəstəliklərdən əziyyət çəkən insanların müalicəsinə xərclənib. Bundan sonra universitet rəhbərliyi feministlər tərəfindən təhsil müəssisəsinin seksizmi təbliğındə ittiham edib.
