Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Məmmədyarov həmsədrlərlə görüşdü

Məmmədyarov həmsədrlərlə görüşdü

Date: 3 December 2015 10:21

Azərbaycanın xarici işlər naziri Elmar Məmmədyarov ATƏT-in Minsk qrupunun həmsədrləri ilə görüşüb. Xarici İşlər Nazirliyinin mətbuat xidmətindən ANS PRESS-ə verilən məlumata görə, görüş Belqradda keçirilən nazirlər toplantısı çərçivəsində baş tutub.

Nazir Minsk qrupunun həmsədrləri Ceyms Uorlik (ABŞ), İqor Popov (Rusiya Federasiyası), Pyer Andryu (Fransa) ilə yanaşı ATƏT-in Fəaliyyətdə olan sədrinin şəxsi nümayəndəsi Andrej Kaspişik ilə də görüşüb.

Görüşdə Ermənistan-Azərbaycan münaqişəsinin həlli üzrə Minsk Qrupunun həmsədrlərinin vasitəçiliyi ilə aparılan danışıqlar prosesinin cari statusu, qarşıdan gələn dövr ərzində MQ-nin fəaliyyət proqramı, Azərbaycan və Ermənistan Prezidentlərinin görüşünün təşkil edilməsi məsələləri ətrafında fikir mübadiləsi aparılıb.

Nazir Elmar Məmmədyarov münaqişəsinin BMT Təhlükəsizlik Şurasının müvafiq dörd qətnaməsinə uyğun olaraq Azərbaycanın beynəlxalq səviyyədə tanınmış sərhədləri daxilində ərazi bütövlüyü və suverenliyi çərçivəsində tezliklə həllinə nail olmaq üçün MQ-nın həmsədrlərinin səylərinin artırılmasının vacibliyini vurğulayıb. Nazir əlavə edib ki, münaqişənin həlli üçün ilk növbədə Ermənistan silahlı qüvvələrinin işğal olunmuş Azərbaycan ərazilərindən çıxarılması təmin olunmalıdır.

Bu gün Serbiyanın paytaxtı Belqradda ATƏT regionundan 40 ölkənin xarici işlər naziri və yüksək səviyyəli diplomatların iştirakı ilə Xarici İşlər Nazirləri Şurasının 22-ci toplantısı keçiriləcək. Toplantıda Ukraynadakı vəziyyət, miqrasiya, terrorizm problemləri əsas müzakirə mövzusu olacaq.

E.Məmmədyarov da bu toplantıda iştirak etmək üçün ötən gün Serbiyanın paytaxtında yuola düşüb.

2016-cı ilin yanvarın 1-dən Şuraya sədrlik Almaniyaya keçəcək.



Tags:  Məmmədyarov həmsədrlərlə görüşdü


RƏYLƏR


Top news