Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Meksika səfiri Beynəlxalq Muğam Mərkəzinin direktoru ilə görüşüb

Meksika səfiri Beynəlxalq Muğam Mərkəzinin direktoru ilə görüşüb

Date: 3 December 2015 10:37

Bakı. 3 dekabr. REPORT.AZ/ Meksikanın Azərbaycandakı səfiri Rodriqo Labardini və Beynəlxalq Muğam Mərkəzinin direktoru Murad Hüseynov arasında görüş keçirilib.
Meksikanın Azərbaycandakı səfirliyindən “Report”a verilən məlumata görə, görüşdə mədəni sahədə əməkdaşlığın müxtəlif aspekt və perspektivləri haqqında müzakirə aparılıb.
Səfir Labardini hər iki xalqın qarşılıqlı yaxınlaşmasına xidmət edən mədəniyyətlərin bölüşdüyü oxşarlıqlardan söhbət açıb. Bu xüsusda, iki xalqın milli musiqisi olan muğam və mariaçinin YUNESKO tərəfindən Bəşəriyyətin Mədəni Qeyri-Maddi İrsi siyahısına daxil olması qeyd edilib.
M.Hüseynov Azərbaycan tamaşaçısının Meksikanın zəngin mədəniyyətinə olan marağından və bu ölkənin dünyada tutduğu yerdən danışıb.
Tərəflər birgə tədbirlərin reallaşmasına dair fikir mübadiləsi aparıb, ikitərəfli əməkdaşlığın möhkəmlənməsi naminə istəklərini ifadə ediblər.

Tags:  Meksika səfiri Beynəlxalq Muğam Mərkəzinin direktoru görüşüb

RƏYLƏR


Top news