Aktual mövzular: Dollar alış-satışı , Hava haqqında, Məzənnə, Neftin qiyməti

Rusiyada azərbaycanlı polisi stulla döydü

Rusiyada azərbaycanlı polisi stulla döydü

Date: 3 December 2015 10:41

Rusiyada Azərbaycan vətəndaşı polisi stulla döyüb. İndi o, hakimiyyət nümayəndəsinə qarşı zor tətbiq etməkdə ittiham olunur.

ANS PRESS-in Rusiya kütləvi informasiya vasitələrinə istinadən verdiyi məlumata görə, hadisə bir müddət öncə Voronej vilayətinin Staraya Veduqa Semiluks rayonunun xarici vətəndaşların müvəqqəti saxlanma mərkəzində qeydə alınıb.

Azərbaycanlı iki qardaş məhkəmənin qərarı ilə ölkədən çıxarılacağını gözlədikləri zaman insanları narahat edəcək dərəcədə səs-küy salıblar. Bunu görən oradakı insanlar müvəqqəti saxlanma mərkəzində növbə çəkən polis əməkdaşını çağırıblar.

İstintaqın versiyasına görə, qanun keşikçisi azərbaycanlılardan etdikləri hərəkətləri dayandırmağı tələb edib. Polisin danlağından əsəbləşən həmyerlimiz cavab olaraq metal stulu götürüb və polis əməkdaşının üz, bədən nahiyəsindən ona zərbələr endirib. Buna görə də 34 yaşlı kişi saxlanılaraq istintaqa cəlb edilib.

Azərbaycan vətəndaşına törətdiyi əmələ görə, Rusiya Federasiyası Cinayət Məcəlləsinin 318-ci maddəsinin 1-ci bəndi "vəzifə borcunu yerinə yetirməsi ilə əlaqədar hakimiyyət nümayəndəsinə qarşı həyat üçün təhlükəli olmayan zorakılıq tətbiq etmək” maddəsi ilə cinayət işi açılıb.

Həmyerlimiz bu əməlinə görə, istintaq təcridxanasında məhkəmənin sonunu gözləməli olacaq. Çünki o, yalnız cəza çəkdikdən sonra deportasiya oluna bilər. Polisin döydüyü üçün onu 200 min rubla (təqribən 3120 manat) qədər cərimə və ya 5 ilədək həbs cəzası gözləyir.

Bu son günlər Rusiyada azərbaycanlıların tutulması ilə bağlı ilk fakt deyil. Noyabr ayının 30-da Rusiyada qeydiyyatsız yaşadığı üçün onu saxlayan polisə rüşvət verməyə çalışan azərbaycanlı da, tutulmuşdu. 24 yaşlı Azərbaycan vətəndaşı Rusiyanın hüquq-mühafizə orqanı əməkdaşı tərəfindən sənədləri yoxlanılması üçün saxlanılıb. Qeydiyyatı olmayan həmyerlimiz qayda pozuntuları rəsmiləşdirilməsi üçün dəvət edildiyi zaman o, məsuliyyətdən yayınmaq üçün polis əməkdaşına rüşvət təklif edib.

Bu səbəbdən polis əməkdaşı həmyerlimizi həbs edib və barəsində cinayət işi başlanıb.

Tags:  Rusiyada azərbaycanlı polisi stulla döydü

RƏYLƏR


Top news