Aktual mövzular: Dollar alış-satışı , Hava haqqında, Məzənnə, Neftin qiyməti

2015-ci ilin ən yaxşı filmləri seçildi

2015-ci ilin ən yaxşı filmləri seçildi

Date: 3 December 2015 11:12

ABŞ-da mükafatlar mövsümü başlayıb. Amerika kino tənqidçiləri milli şurası ənənəyə uyğun olaraq ilin ən yaxşı filmlərini, həmçinin kino akademiyasının müxtəlif nominasiyalar üzrə laureatlarını elan edib. Ən yaxşı film adına döyüş janrında çəkilmiş futuristik "Dəlisov Maks: Qəzəb yolu" filmi layiq görülüb.

Milli.Az publika.az-a istinadən xəbər verir ki, 2015-ci ilin ən yaxşı filmlərinin siyahısına "Casus körpüsü", "Krid: Rokki mirası", "İyrənc səkkizlik", "Tapmaca", "Marslı", "Otaq", "Qatil", "Diqqət mərkəzində" və "Küçələrin səsi" ekran əsərləri daxildir.

ABŞ-ın kino tənqidçiləri milli şurasının mükafatlarının əksəriyyəti "Marslı" filminin hesabına yazılıb. Bu film "Ən yaxşı rejissor" (Ridli Skott), "Ən yaxşı aktyor" (Mett Deymon) və "Ən yaxşı adaptasiya olunmuş ssenari" nominasiyalarında qalib olub.

Vestern janrında çəkilmiş "İyrənc səkkizlik" filmi iki nominasiya üzrə - "Ən yaxşı orijinal ssenari" (Kventin Tarantino) və "Ən yaxşı ikinci dərəcəli qadın rolu" (Cenifer Ceyson Li) mükafatını qazanıb. Ən yaxşı ikinci dərəcəli kişi rolu mükafatı Silvester Stalloneyə ("Krid: Rokki mirası"), ən yaxşı qadın rolu mükafatı isə Bri Larsona ("Otaq") nəsib olub.

Bundan başqa, "Xarici dildə ən yaxşı film" mükafatına Macarıstanın "Saulun oğlu", "Ən yaxşı sənədli film" mükafatına "Emi", "Ən yaxşı animasiya filmi" mükafatına isə "Tapmaca" filmləri layiq görülüb.

Milli.Az


Tags:  2015-ci ilin filmləri seçildi

RƏYLƏR


Top news