Bakıda gözəllik salonundan oğurluq etmiş 2 nəfər tutulub. Lent.az Daxili İşlər Nazirliyinə istinadən xəbər verir ki, dekabrın 2-də Nəsimi rayonu ərazisindəki gözəllik salonlarından birindən Bakı şəhər sakini Qəmər Əmirovaya məxsus içərisində 350 manatı olan pul kisəsi oğurlanıb.
Nəsimi RPİ 19-cu PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş paytaxt sakini Fəqan Aslanov və İmişli rayon sakini Tacəddin Paşayev saxlanılıb.
