Aktual mövzular: Dollar alış-satışı , Hava, Məzənnə, Neftin qiyməti

Bakı Şəhər Halqası Formula 1 yarışı ilə bağlı yollarda təmir işlərini davam etdirir

"Türkiyə Azərbaycanla birgə yeni üçtərəfli formatların yaradılması işlərini davam etdirir" (18 Mart 2017 13:47)
Devid Kulthard: "Bakıda builki Formula 1 yarışı daha da maraqlı olacaq" (15 Mart 2017 13:12)
İslam Oyunları və “Formula-1"də təhlükəsizliyin təmini müzakirə edilib (10 Mart 2017 18:24)

Tarix: 3 Dekabr 2015 14:13

Bakı. Trend:

Avropa Qran Prisinin Azərbaycandakı təşkilatçısı Bakı Şəhər Halqası (Baku City Circuit) gələn il iyun ayında keçiriləcək Formula 1 yarışı ilə bağlı hazırlıq işlərini həyata keçirir. Qurumdan Trend-ə verilən məlumata görə, paytaxtın yarış trekinin üzərinə düşən mərkəzi küçələrində təmir-tikinti işləri qismən həyata keçirilir.

Dekabr ayının 2-dən etibarən Xaqani küçəsinin Azadlıq prospekti ilə kəsişməsi asfalt örtüyünün təmirinə bağlanıb. Təmir işlərinin dekabr ayının 2-də yekunlaşması nəzərdə tutulsa da, yeraltı qəza səbəbindən təmir işləri uzanıb.

Bu gün dekabr ayının 3-ü gecə saatlarından etibarən isə Xaqani küçəsinin Puşkin küçəsi və Bül-bül prospekti ilə kəsişmələri arasında yol hərəkəti tam bağlı olacaq. Xaqani küçəsində qeyd olunan bütün təmir işləri ilə əlaqədar avtomobillərin hərəkətinə olan məhdudiyyətlər artıq dekabr ayının 6-dan 7-nə keçən gecə, Bazar ertəsi aradan qaldırılacaq.

Qeyd edək ki, yarışdan öncə salınacaq və Formula 1 yarışı standartına cavab verən yenilənmiş yollar daimidir və qran pridən sonra paytaxt sakinlərinin istifadəsində olacaq.

Bizi Twitter-dən izləyin: @trend_az


Teqlər:  Bakı Şəhər Halqası Formula yarışı bağlı yollarda təmir işlərini davam etdirir



RƏYLƏR


Top xəbərlər