Aktual mövzular: Dollar alış-satışı , Hava, Məzənnə, Neftin qiyməti

Millimiz FIFA reytinqində 2 pillə gerilədi

Millimiz FIFA reytinqində 2 pillə gerilədi

İdmançımız dünya reytinqində "10-luğ"a düşdü (11 Mart 2017 13:27)
FİFA reytinqi açıqlandı: Yığmamız 8 xal itirdi (09 Mart 2017 13:42)
FİFA reytinqi: Azərbaycan irəlilədi (10 Fevral 2017 07:33)

Tarix: 3 Dekabr 2015 14:37

FIFA yığma komandaların yeni reytinq cədvəlini açıqlayıb. Fanat.az xəbər verir ki, Azərbaycan millisi yeni siyahıda geriləyib.

Belə ki, 2 pillə geriləmək məcburiyyətində qalan komandamız hazırda 117-ci pillədə qərarlaşıb. Millimizin hesabında 296 reytinq xalı var. Noyabr ayında doğma meydanda Moldovaya qarşı yoxlama oyununda qazandığımız 2:1 hesablı qələbə komandamıza 3 reytinq xalı qazandırsa da, mövqeyini yaxşılaşdırmağa yetərli olmayıb.

Azərbaycan Keçmiş SSRİ ölkələri arasında Rusiya (24-cü yer, 895 xal), Ukrayna (29, 842), Belarus (67, 514), Özbəkistan (74, 470), Estoniya (93, 369), Latviya (101, 338) və Qırğızıstandan (108, 324) geridədir. Millimiz yalnız Türkmənistan (119, 294), Gürcüstan (122, 286), Ermənistan (123, 285), Litva (126, 274), Qazaxıstan (129, 266), Tacikistan (148, 196) və Moldovadan (155, 172) öndə qərarlaşıb.

İlk onluqda yer alan komandaların siyahısı isə belədir: Belçika (1494), Argentina (1455), İspaniya (1370), Almaniya (1347), Çili (1273), Braziliya (1251), Portuqaliya (1219), Kolumbiya (1211), İngiltərə (1106) və Avstriya (1091).

Fanat.az

Teqlər:  Millimiz FIFA reytinqində pillə gerilədi



RƏYLƏR


Top xəbərlər