Bakı. 3 dekabr. REPORT.AZ/ Almaniyanın keçmiş kansleri Herhard Şröyder Türkiyə prezidenti Rəcəb Tayyib Ərdoğanla Rusiya prezidenti Vladimir Putin arasında vasitəçilik edəcək.
"Report" Türkiyə KİV-ə istinadən xəbər verir ki, bunu tanınmış türk iş adamı Hüseyn Baraner deyib.
"Herhard Şröyder uzun illərdir Putin və Ərdoğanla yaxın dostluq edir. O, türk və rus dostluğunu qüvvətləndirəcək ən güclü adamdır", - o, söyləyib.
Tanınmış iş adamı rusiyalı turustlərin Türkiyəyə gəlməsinin qarşısnın alınmasına da münasibət bildirib: "Ruslar gəlməsə də olar".