Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanda 15 əcnəbiyə ov icazəsi verilib

Azərbaycanda 15 əcnəbiyə ov icazəsi verilib

Date: 3 December 2015 15:23


Bakı, 3 dekabr, AZƏRTAC 
Ekologiya və Təbii Sərvətlər Nazirliyinə (ETSN) Xüsusi Dövlət Mühafizə Xidməti “Hərbi Ovçuluq İttifaqı” MMC-dən və Müdafiə Nazirliyindən noyabrın 19-da, 27-də və 30-da Qətər Əmirliyinin 4, Səudiyyə Ərəbistanı Krallığının 2 və Bəhreyn Krallığı Müdafiə Qüvvələrinin əməkdaşları olan 9 vətəndaşına ölkənin ovçuluq təsərrüfatlarında ov üçün icazə biletlərinin verilməsi barədə rəsmi müraciət daxil olub.
ETSN-in mətbuat xidmətindən AZƏRTAC-a verilən məlumata görə, qanunamüvafiq sənədlərin təqdim olunmasından sonra mövcud qanunvericiliyin tələblərinə uyğun olaraq ümumilikdə 15 nəfər xarici ölkə vətəndaşına “Sarısu” ovçuluq təsərrüfatı da daxil olmaqla İmişli, Kürdəmir, Hacıqabul rayonlarının ərazisində, o cümlədən Biləsuvar ərazisindəki ovçuluq təsərrüfatlarında normativlər daxilində müvafiq sayda çöl quşlarının ovlanmasına icazə bileti verilib.
Xarici vətəndaşlara ölkə ərazisində ov etmək üçün icazənin verilməsi 20 aprel 2004-cü il tarixli “Ovçuluq haqqında” Azərbaycan Respublikası Qanununun 14.6-cı bəndi ilə təsbit edilib və Nazirlər Kabinetinin 2004-cü il 30 sentyabr tarixli Qərarı ilə təsdiqlənən “Əcnəbilərə və vətəndaşlığı olmayan şəxslərə Azərbaycan Respublikasının ərazisində ov etmək üçün icazənin verilməsi Qaydası” ilə tənzimlənir.


Tags:  Azərbaycanda 15 əcnəbiyə ov icazəsi verilib


RƏYLƏR


Top news