Bakı. 3 dekabr. REPORT.AZ/ "Həll olunmamış münaqişələr Avropa qitəsi üçün əsas təhlükə və çağırış olaraq qalır".
"Report" xəbər verir ki, bunu Azərbaycanın xarici işlər naziri Elmar Məmmədyarov Belqradda keçirilən ATƏT Nazirlər Şurasının 22-ci iclasında deyib.
E.Məmmədyarov Azərbaycan torpaqlarının Ermənistan tərəfindən işğalının beynəlxalq hüquq pozuntusu olduğunu qeyd etməklə bərabər, Ermənistan tərəfinin Dağlıq Qarabağ münaqişəsinin həllində qeyri-konstruktiv mövqe tutduğunu xüsusi vurğulayıb.
"Ermənistan yalnız prosesdə iştirakını təqlid edir", - nazir bildirib.
