Aktual mövzular: Dollar alış-satışı , Hava haqqında, Məzənnə, Neftin qiyməti

Bakıda damlarda ölümə meydan oxuyan gənclər (FOTO)

Bakıda damlarda ölümə meydan oxuyan gənclər (FOTO)

Date: 3 December 2015 16:26

Bakıda yaşayan bu gənclər sözün əsl mənasında ölümə meydan oxuyurlar. Anar və Orxan adlı iki dost paytaxtdakı yüksəkmərtəbəli binalara dırmaşır, heç bir təhlükəsizlik vasitəsi olmadan ekstramal hərəkətlər edir, öz həyatlarını təhlükəyə atmaqdan çəkinmirlər.

Orxan Əliyev ANS PRESS-ə açıqlamasında dostu Anar Məmmədovla birgə belə bir addım atmalarının səbəblərini açıqlayıb:

"Mənim 17, dostum Anarın isə 16 yaşı var. Mən hazırda 9 nömrəli peşə liseyində "sürücülük" ixtisası üzrə təhsil alıram. Anar isə orta məktəb şagirdidir. Biz əvvəllər "parkur"la məşğul olurduq. Bu ilin aprel ayında sosial şəbəkədə gənclərin belə təhlükəli manevrlərini gördük və bizdə maraq yarandı. Bundan sonra şəhərdə hündürmərtəbəli bina axtarmağa başladıq. Bundan sonra bizim fəaliyyətimiz başladı və hazırda da davam edir".

Orxan Əliyevin sözlərinə görə, bu günə kimi dırmaşdıqlrı ən hündür bina 30 mərtəbəli olub. Binanın damına çıxa bilməsələr də hündür mərtəbədəki mənzillərin eyvanlarının kənarında gəziblər. "Halbuki bilirik ki, həmin binadan yerə düşsək sağ qalmaq şansımız yoxdur. Biz təhlükəni sevirik. Bu adrenalindir. Hədəfimiz Bakıdakı ən hündür binalara çıxmaqdır".

Bu istəklərinə baxmayaraq onlar etdikləri hətəkətin nə qədər təhlükəli olduğunun fərqindədirlər. Valideynlərinin onların əyləncələrindən xəbərdar olduğunu deyən Orxan hobbilərindən əl çəkmək niyyətində olmadıqlarını deyib.

Yeniyetmələr özləri də bu əməllərinin nə qədər təhlükəli olduğunun fərqindədirlər. Lakin bir anlıq həvəsə görə ölümlə üz-üzə qalmağa dəyməz.
















Tags:  Bakıda damlarda ölümə meydan oxuyan gənclər FOTO


RƏYLƏR


Top news