Aktual mövzular: Dollar alış-satışı , Hava haqqında, Məzənnə, Neftin qiyməti

“Bir səbət tənhalıq” İrana dəvət alıb

“Bir səbət tənhalıq” İrana dəvət alıb

Date: 3 December 2015 16:31

Azərbaycan Dövlət Gənc Tamaşaçılar Teatrı İran İslam Respublikasına qastrol səfəri edəcək.

Axşam.az-ın məlumatına görə, Qərbi Azərbaycan əyalətinin mərkəzi olan və İranın şimal-qərbində yerləşən Urmiya şəhərinin Mədəniyyət İdarəsindən teatra gələn dəvət məktubuna əsasən qastrol səfəri çərçivəsində “Bir səbət tənhalıq” tamaşası nümayiş etdiriləcək.

2014-cü ildə yazıçı-dramaturq Məcid Vahidzadənin eyniadlı əsəri əsasında hazırlanmış və teatrın kiçik səhnəsində nümayiş etdirilmiş tamaşa ötən il Türkiyə Cumhuriyyəti Dənizli bölgəsində keçirilmiş Beynəlxalq Teatr Festivalında uğurla çıxış edərək mükafata layiq görülüb. 

Səhnə əsərinin quruluşçu rejissoru əməkdar artist Nofəl Vəliyev, tərtibatçısı Zəminə Orucova, musiqi tərtibatçısı İradə Muradovadır.

Fiziki qüsurlu gənc qız və bəxtsiz cavandan bəhs edən tamaşada rolları Güşvər Şərifova, Eşqin Quliyev ifa edirlər.







Tags:  səbət tənhalıq İrana dəvət alıb

RƏYLƏR


Top news