Avstriyanın Hava Yolları şirkəti “Austrian Airlines” Bakıya uçuşları dayandırır.
ANS TV-nin məlumatına görə, bu barədə “Austrian Airlines”ın Bakı nümayəndəliyindən bildirilib. İndiyədək adı çəkilən şirkət Bakı -Vyana reysləri həyata keçirirdi.
Şirkətdən bildirilib ki, reyslərin dayandırılmasına səbəb tələbatın aşağı düşməsi və sərnişinlərin sayının azalmasıdır.
Şirkətdən onu da qeyd ediblər ki, Vyanaya reyslər 2016-cı ilin yanvarın 12-dən etibarən dayandırılır. Sərnişinlərə isə alternativ variantlar təklif olunacaq.
Şirkət eyni zamanda yaranmış narahatlığa görə, sərnişinlərindən üzr də istəyib.