Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Elmar Məmmədyarov almaniyalı həmkarı ilə görüşüb

Elmar Məmmədyarov almaniyalı həmkarı ilə görüşüb

Date: 3 December 2015 18:04

Xarici işlər naziri Elmar Məmmədyarov  Belqradda keçirilən ATƏT Nazirlər Şurasının 22-ci iclası çərçivəsində Almaniya Federativ Respublikasının xarici işlər naziri Frank-Valter Ştaynmayer ilə görüşüb.

Lent.az-ın XİN-in saytına istinadən məlumatına görə, görüş zamanı nazirlər Almaniyanın ATƏT-ə sədrlik dövrü üçün gündəliyi və prioritetləri ətrafında fikir mübadiləsi aparıblar. Nazir Elmar Məmmədyarov Ermənistan-Azərbaycan münaqişəsi barədə son vəziyyətlə bağlı həmkarına məlumat verərək, münaqişənin həlli prosesində ATƏT-in fəallıq göstərməsinin vacibliyini qeyd edib və bu xüsusda Almaniyanın ATƏT-ə sədrliyi dövründə mühüm töhfə verə biləcəyinə ümidvarlığını ifadə edib.

Görüşdə həmçinin Azərbaycan və Almaniya arasında əməkdaşlığın genişləndirilməsi imkanları müzakirə olunub.

 


Tags:  Elmar Məmmədyarov almaniyalı həmkarı görüşüb


RƏYLƏR


Top news