Hövsan Olimpiya İdman Kompleksində Jiu-jitsu üzrə yeniyetmə və gənclər arasında keçirilən beynəlxalq turnirə yekun vurulub. Turnirdə Rusiya, Gürcüstan, İran və Azərbaycandan olan 200-ə yaxın idmançı birincilik uğrunda mübarizə aparıb.
RTV (Region TV) xəbər verir ki, Xaçmaz komandası beynəlxalq yarışa 8 çəki dərəcəsində 11 idmançı ilə qatılıb. Ramin Nəcəfovun yetirmələri çempionatda uğurla çıxış edib. Komanda fərdi keçirilən kəmər döyüşlərində 4 kəmər qazanmağı bacarıb.
Yarışda qalib gələn idmançılar növbəti dünya çempionatının seçim mərhələsinə vəsiqə qazanıb. Hazırda Jiu-jitsu üzrə Xaçmaz komandası dünya çempionatının seçim mərhələsinə hazırlaşır.
Milli.Az
