Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

“Azərbaycan gəncliyində vətənpərvərlik” layihəsinin icrası yekunlaşıb

“Azərbaycan gəncliyində vətənpərvərlik” layihəsinin icrası yekunlaşıb

Date: 3 December 2015 21:33


Bakı, 3 dekabr, AZƏRTAC
Azərbaycan Respublikasının Prezidenti Yanında Gənclər Fondunun maliyyə dəstəyi ilə icra olunan və “Gənclərin Elmi Araşdırmalar Mərkəzi” İctimai Birliyi tərəfindən həyata keçirilən “Azərbaycan gəncliyində vətənpərvərlik” adlı layihənin icrası sona çatıb.
Mərkəzdən AZƏRTAC-a bildiriblər ki, layihənin əsas məqsədi Azərbaycanın regionlarında yeniyetmə və gənclərin vətənpərvər ruhda tərbiyəsi, milli atributlarımızın, tariximizin unudulmaması, gənclər arasında vətənpərvərlik hisslərinin oyadılması, maarifləndirmə işlərinin aparılması olub.
Layihə icrası zamanı Saatlı və Sabirabad rayonlarının orta məktəblərində yeniyetmə və gənclər arasında maarifləndirmə işləri aparılıb. Ümumilikdə 15 tədbirdə 331 nəfər iştirak edib. Onlardan 111-i Saatlı, 220-si isə Sabirabad rayonunun yeniyetmə və gəncləri olub. Tədbirlər zamanı iştirakçılara vətənpərvərlik haqqında geniş məlumat verilib.
Təlimlərə cəlb olunan yeniyetmə və gənclərə bukletlər, köynəklər və cib təqvimləri verilib. Çap olunan nəşrlər ictimai yerlərdə, məktəblərdə və digər müəssisələrdə paylanılıb.

Tags:  Azərbaycan gəncliyində vətənpərvərlik layihəsinin icrası yekunlaşıb


RƏYLƏR


Top news