Kaliforniyanın San-Bernardino şəhərində atışma törətməkdə şübhəli bilinən şəxslərin evində 12 ədəd əldəqayırma bomba aşkarlanıb.
Milli.Az APA-ya istinadən bildirir ki, bu barədə "The Washington Post" nəşri məlumat yayıb.
Məlumata görə, axtarış zamanı həmçinin partlayıcı qurğuların istehsalında istifadə edilən materiallar və minlərlə patron aşkarlanıb.
Qeyd edək ki, atışmada şübhəli bilinən şəxs dini radikallarla əlaqədə şübhəli bilinir.
Son məlumata görə, atışma nəticəsində 14 nəfər ölüb, 17 nəfər yaralanıb.
Milli.Az
