Müğənni Stinqin Trudi Staylerdən olan qızı lezbiyan olduğunu etiraf edib.
Axşam.az-ın xarici KİV-ə istinadən məlumatına görə, 25 yaşlı Eliot Samner "Evening Standard" jurnalına açıqlamasında artıq bir müddətdir ki, avstraliyalı model Lyusi fon Altenlə sevgili olduğunu bildirib:
"Mənə belə gəlir ki, orientasiyam aşkardır. Sadəcə, heç vaxt bu barədə məndən soruşmamışdılar, özüm də danışmamışdım. Dostlarım və valideynlərim bu haqda çoxdan bilirlər. Heç vaxt qadınlara rəğbətimi gizlətməmişəm. Əvvəllər oğlanlar məni cəlb edirdi, amma zamanla anladım ki, qızları daha çox bəyənirəm. Yəqin ki, bu həmişəlikdir. Əgər insan seçimini edibsə, heç bir şey onun zövqünü dəyişdirə bilməz".
Eliot bir müddət "I Blame Coco" adı altında bəstəkarlıq və musiqiçiliklə məşğul olub. Lakin sonra öz adına qayıdıb.
