Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

"Bunun öhdəsindən gəldik" - Ruslan Abışov

"Bunun öhdəsindən gəldik" -   Ruslan Abışov

Date: 4 December 2015 11:47

Azərbaycan kubokunun 1/8 final mərhələsində “Mil-Muğan”la qarşılaşan “Qəbələ” I divizion təmsilçisini 7:0 hesabı ilə məğlub edib. “Qırmızı-qaralar”ın qollarından birinə komandanın müdafiəçisi Ruslan Abışov imza atıb. 


O, matç haqda fikirlərini klubun rəsmi saytına açıqlayıb: “Düzdü, rəqib o qədər də güclü deyildi. Amma əsas qələbə idi ki, buna da nail olduq. Mərhələ keçmək vəzifəsinin öhdəsindən çətinlik çəkmədən gəldik. İndi isə Premyer Liqanın “Xəzər Lənkəran”la qarşılaşmasına hazırlaşacağıq. Son oyunlarda qalib gələ bilmədiyinizi nəzərə alsaq, bu qələbə çox yaxşı oldu. Bunun davamını gətirməliyik. Adi qol epizodu idi və bu imkandan yararlanıb, rəqib qapısına yol tapdım. Ötən turun “Rəvan”la matçında da qol vurmağa çox yaxın idim. Həmin vaxt qol vura bilməmişdim. Bu dəfə isə fərqləndim”.

 

Matçın 28-ci dəqiqəsində əvəzlənən Abışov belə tez dəyişikliyin səbəbini də izah edib: “Ayağımda köhnə zədə səbəbindən ağrılar hiss etdim. Bu üzdən əvəzlənməyimi istədim. Bu ciddi problem deyil. Hər şey qaydasındadı. Növbəti turun hazırlıqlarında iştirak edəcəm”. 


Topaz Premyer Liqasının XV turunda “Xəzər Lənkəran”la qarşılaşacaq komandanın təcrübəli üzvü səfər matçında da 3 xal üçün mübarizə aparacaqlarını bildirib: “Bu matçda da qalib gəlməliyik. Çətin oyun olacağını bilirik. Bizi Lənkəranda çətin səfər gözləyir. Lakin iddialıyıq və qalib gəlməyə çalışacağıq. Matça yaxşı hazır olmalıyıq. Ancaq qələbə üçün mübarizə aparacağıq”.


Fanat.az


Tags:  Bunun öhdəsindən gəldik Ruslan Abışov


RƏYLƏR


Top news