Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Naqif Həmzəyev: "Məhkəməylə başlamaq istəmirəm…"

Naqif Həmzəyev: "Məhkəməylə başlamaq istəmirəm…"

Date: 4 December 2015 12:42

Bir neçə gündür Məhəmməd Əmin Rəsulzadə ilə bağlı fikirlərinə görə tənqid olunan yeni deputat Naqif Həmzəyev bu gün parlamentin iclasından öncə jurnalistlərə açıqlama verib.

"Qafqazinfo" xəbər verir ki, millət vəkili Rəsulzadəni təhqir etmədiyini qeyd edib:

"Mən başa düşmürəm ki, söylədiyim fikirlərə, yoxsa dediyim cümlələrə görə günahlandırılıram. Bir daha bəyan edirəm ki, mənim tək liderim var, o da ümummilli liderimiz Heydər Əliyevdir. Etmədiyim əmələ görə heç bir məsuliyyət daşımıram. Məhəmməd Əmin Rəsulzadəni təhqir etməmişəm və etmək fikrim də yoxdur. Əsası Həsən bəy Zərdabi tərəfindən qoyulmuş medianın bəzi nümayəndələri bu peşəni biznes maraqlarına qurban veriblər".

Daha sonra N. Həmzəyev qeyd edib ki, informasiya terrorunun qurbanına çevrilib:

"Bütün deputat həmkarlarımdan, ictimaiyyət nümayəndələrindən və jurnalistlərdən xahişim odur ki, bu çirkin əmələ qoşulmasınlar. Fəaliyyətimin ilk dövrünü istəmirəm ki, məhkəmə ilə başlayım. Buna görə sadəcə olaraq susmağı və səbr etməyi üstün tuturam. Rəsulzadə tarixi şəxsdir və bütün tarixi şəxslərə bizim hörmətimiz var. Millət vəkili heç kimə heykəl qoymur. Çox təəssüflər olsun ki, orada olan dialoq təhrif olunmuş şəkildə ictimaiyyətə çatdırılıb. Mənim söylədiyim tək söz var, o da yeganə liderimin Heydər Əliyev olmasıdır".

Deputat Ağacan Əbiyevin onun barəsində səsləndiridiyi fikirlərə isə belə reaksiya verib: "YAP bu məsələyə münasibət bildirib və qeyd olunub ki, prosedur necə olur".

Həmzəyev həmçinin sosial şəbəkələrdə mandatının ləğv olunması ilə bağlı aparılan kampaniyadan da danışıb:

"Sosial şəbəkələrdə gedən proseslərdən xəbərim yoxdur".

"Rəsulzadənin məzarını ziyarət etmisiniz?" sualına isə cavabı belə olub:

"Mən yeganə liderim olan Heydər Əliyevin məzarını mütəmadi şəkildə ziyarət edirəm və ona sadiqəm".

Milli.Az


Tags:  Naqif Həmzəyev Məhkəməylə başlamaq istəmirəm


RƏYLƏR


Top news