Aktual mövzular: Dollar alış-satışı , Hava haqqında, Məzənnə, Neftin qiyməti

FİFA-nın iki məmuru reketlik etdiklərini rəsmən etiraf ediblər

FİFA-nın iki məmuru reketlik etdiklərini rəsmən etiraf ediblər

Date: 4 December 2015 13:23


Bakı, 4 dekabr, AZƏRTAC
FİFA-nın sabıq vitse-prezidenti Ceffri Uebb və icraiyyə komitəsinin üzvü, eyni zamanda Kolumbiya futbol Federasiyasının sabiq rəhbəri Luis Bedoyya dələduzluq və reketliklə məşğul olduqları ilə bağlı günahlarını etiraf ediblər.
AZƏRTAC ABŞ Ədliyyə nazirliyinin rəsmi saytına istinadla xəbər verir ki, günahını etiraf edən Ceffri Uebb 6,7 milyon dollar məbləğdə olan vəsaitinin müsadirəsinə razılıq verib. Luis Bedoyya isə İsveçrə bankında olan bütün hesabının təhvil verməklə cinayət əməlinin yüngülləşdirilməsinə ümid bəsləyir.
Ali qurumun digər qalmaqallı məmuru, argentinalı Alexandro Bursako da reketlik, dələduzluq və çirkli pulların yuyulması kimi əməllər ilə məşğul olduğunu qəbul edib. O da digərlərindən geri qalmayaraq 21,6 milyon dolların qaytaracağına razı olub.
Xatırladaq ki, ötən gün Sürixdə FİFA-nın 15 məmuru həbs olunub. Saxlananlar arasında icraiyyə komitəsinin üzvləri olan Şimali və Mərkəzi Amerika, eləcə də Karib hövzəsi dövlətləri konfederasiyasının (KONKAKAF) prezidenti Alfred Xavit, Cənubi Amerika konfederasiyasının (KONMEBOL) rəhbəri Xuan Anxel Napout da var.



Tags:  FİFA-nın iki məmuru reketlik etdiklərini rəsmən etiraf ediblər


RƏYLƏR


Top news