Aktual mövzular: Dollar alış-satışı , Hava haqqında, Məzənnə, Neftin qiyməti

Gənc Tamaşaçılar Teatrı “Dovşanın ad günü” tamaşasını yenidən repertuara daxil edəcək

Date: 4 December 2015 13:32

"Report" xəbər verir ki, uzun illər teatrda nümayiş olunan tamaşalardan biri olan “Dovşanın ad günü” yenidən repertuara daxil ediləcək.
Xanımana Əlibəylinin eyniadlı əsəri əsasında hazırlanacaq tamaşanın quruluşçu rejissoru xalq artisti Ağaxan Salmanlı, quruluşçu rəssamı Elşən Sərxanoğlu, rəqslərin quruluşçusu Vüsal Mehrəliyev, oranjemançısı Vasif Hüseynlidir.
Tamaşada mərhum bəstəkar, xalq artisti Şəfiqə Axundovanın bəstələrindən istifadə olunacaq.
Səhnə əsərində əsas rolları istedadlı aktyorlar İradə Rəşidova, Roza İbadova, Sevinc Mehrəliyeva, Zümrüd Quliyeva, Təhminə Məmmədova, Zülfiyyə Alhüseynova, Mehriban Hüseynova, Nuriyyə Əliyeva, Eyvaz İbrahimov, Ramil Məmmədov, Ceyhun Məmmədov, Xaliq Bəkirov, Elnur Hüseynov, Elnur Əliyev, Vüsal Mehrəliyev, Yusif Dadaşov canlandıracaq.
Qeyd edək ki, yazıçı Xanımana Əlibəylinin anadan olmasının 95 illiyə həsr olunan tamaşa 2016-cı ilin yanvarın sonunda məktəblilərin qış tətili ərəfəsində nümayiş etdiriləcək.  

Tags:  Gənc Tamaşaçılar Teatrı Dovşanın ad günü tamaşasını yenidən repertuara daxil edəcək

RƏYLƏR


Top news