Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Kaladze Azərbaycan və Ermənistanı bir birinə bağlayır

Kaladze Azərbaycan və Ermənistanı bir birinə bağlayır

Date: 4 December 2015 14:01

"Rusiya, Türkiyə, Gürcüstan, Azərbaycan və Ermənistan iştirakı ilə vahid regional energetika şəbəkəsi yaradılmalıdır."

ANS PRESS-in "Vzglad" xəbər portalına istinadən verdiyi məlumata görə, bunu Gürcüstanın energetika naziri Kaxa Kaladze Tiflisdə keçirilən Energetika Xartiyası forumu zamanı deyib.

Kaxa Kaladzenin sözlərinə görə, Gürcüstan regionda energetika əməkdaşlığının baş tutması üçün flaqman kimi çıxış edir. “Bizim əsas məqsədimiz odur ki, energetika mübadiləsi hesabına regional əməkdaşlığı möhkəmləndirək, bununla da siyasi dialoqa kömək edək, irimiqyaslı investisiyalar cəlb edib nəqliyyat dəhlizlərini inkişaf etdirək”, - deyə Kaladze bildirib.


Kaxa Kaladze - Gürcüstanın energetika naziri


Nazir həmçinin qeyd edib ki, SSRİ-nin süqutundan sonra Cənubi Qafqazın yeni dövlətləri iqtisadi çöküş və siyasi münaqişələrlə, vətəndaş qarşıdurmaları ilə üzləşməsi energetika sektoruna mənfi təsir göstərib.

Kaladzenin sözlərinə görə, hazırda beynəlxalq ictimaiyyətin diqqəti Xəzər regionundan enerjidaşıyıcılarının Avropaya çatdırılması planında bütün Cənubi Qafqaz regionuna yönəlib.

“Bunun məntiqi davamı olaraq Rusiya, Ermənistan və Azərbaycanı da birləşdirməklə vahid energetika şəbəkəsi yaratmaq olar. Bu, vahid regional energetika bazarının formalaşması deməkdir”- deyə Kaladze təklifini edib.

Gürcü nazir deyib ki, onun ölkəsi Azərbaycanla birləşdirilən yüksək gərginlikli elektrik xəttinin tikintisini başa çatdırıb. Eyni zamanda Gürcüstanla Rusiyanı birləşdirən yüksək gərginlikli xətt bərpa olunub.

“Biz tezliklə Ermənistanla yüksək gərginlikli xətti də işə salacağıq”, - nazir deyib.

Rusiya və Gürcüstan arasında diplomatik əlaqələrinin olmaması iki ölkənin elektrik enerjisi sahəsində tərəfdaşlığına təsir etmir. Payız-qış mövsümündə Gürcüstan Rusiyadan elektrik enerjisi alır. Rusiyanın “İnter RAO” energetika şirkəti Tiflisin “Telasi” enerjipaylayıcı şirkətinin 75% səhminə və Xrami çayında iki hidro-elektrik stansiyasına sahibdir.


"İnter RAO” energetika şirkətinin ərazisi

Tags:  Kaladze Azərbaycan Ermənistanı birinə bağlayır


RƏYLƏR


Top news