Aktual mövzular: Dollar alış-satışı , Hava haqqında, Məzənnə, Neftin qiyməti

Rəsulzadəni təhqir edən deputat danışdı

Rəsulzadəni təhqir edən deputat danışdı

Date: 4 December 2015 14:36

Bu gün Milli Məclisdə keçirilən iclasda deputat Naqif Həmzəyevin Azərbaycan istiqlalının banisi Məhəmməd Əmin Rəsulzadəni təhqir etmə məsələsi qaldırılıb.

ANS PRESS-in məlumatına görə, məsələnin müzakirəyə çıxarılmasını deputat Fazil Mustafa təklif edib. O, Rəsulzadə haqqında təhqiramiz fikir söylənməyin düzgün olmadığını bildirib.

Deputatın sözlərinə əsasən, kiməsə qarşı tənqidi fikir söyləmək olar, amma onu təhqir etmək olmaz. Fazil Mustafa onu da qeyd edib ki, Gəncədə M.Ə.Rəsulzadənin büstündən çuvalın götürülməsi yaxşı haldır.


Fazil Mustafa - millət vəkili


Milli Məclisin sədrinin birinci müavini Ziyafət Əsgərov Naqif Həmzəyevin müsahibəsində belə fikir söyləmədiyini deməsinə diqqət çəkərək: "Ola bilsin, biz dəqiqləşdirilməmiş məsələyə münasibət bildiririk. Çünki Naqif Həmzəyev özü deyir ki, belə fikir söyləməyib, sadəcə, onun bəzi fikirlərini konteksdən çıxarıblar, nəticədə belə vəziyyət alınıb".


Ziyafət Əsgərov -Milli Məclisin sədrinin birinci müavini


Gəncədən deputat seçilən Naqif Həmzəyev jurnalistlərə müsahibəsində M.Ə.Rəsulzadəyə qarşı təhqiredici fikir söyləmədiyini vurğulayıb: "Etmədiyim əmələ görə heç bir məsuliyyət daşımıram. Bir daha söyləyirəm ki, mənim tək liderim var, o da ümummilli liderimiz Heydər Əliyevdir. Mən Məhəmməd Əmin Rəsulzadəni təhqir etməmişəm və etmək də fikrim yoxdur. O, tarixi bir şəxsiyyətdir və mənim ona böyük hörmətim var".

Dekabrın 1-də Gəncədən deputat seçilən Naqif Həmzəyevin Azərbaycan Demokratik Respublikasının banisi Məhəmməd Əmin Rəsulzadə haqqında səsləndirdiyi xoşagəlməz fikirlər ictimaiyyət arasında geniş rezonans yaradıb. Bununla bağlı, ictimaiyyət gənc deputatı qınaq obyektinə çevirib.

Naqif Həmzəyev Rəsulzadəni vətən xaini adlandıraraq, onun büstünün Gəncədə deyil, ilk respublikanı Tiflisdə qurduğu üçün orada qoyulmasını lazım bildiyini vurğulayıb.

Məsələ ilə bağlı tarixi şəxsiyyətin nəvəsi - Rəis Rəsulzadədə öz narazılığını bildirərək, babasını təhqir edənin məhkəmə qarşısında cavab verəcəyini söyləyib.


Rəis Rəsulzadə - Məhəmməd Əminin nəvəsi

M.Ə.Rəsulzadə - Azərbaycanlı dövlət və ictimai xadimi, siyasətçi və publisist, Azərbaycan Xalq Cümhuriyyətinin (1918-1920) banilərindən və Azərbaycan siyasi mühacirətinin liderlərindən biridir. Azərbaycan tarixinin ən görkəmli və böyük şəxsiyyətlərindən olub, Azərbaycan milli istiqlal hərəkatına başçılıq edib. Onun "Bir kərə yüksələn bayraq, bir daha enməz!" ifadəsi XX əsrdə Azərbaycanda müstəqillik hərəkatının şüarıdır.



Tags:  Rəsulzadəni təhqir edən deputat danışdı


RƏYLƏR


Top news