İsmayıllı, 4 dekabr, AZƏRTAC
Dekabrın 3-dən 4-nə keçən gecə İsmayıllı rayonuna ilk qar yağıb və bir sıra fəsadlar törədib.
Rayon fövqəladə hallar komissiyasından AZƏRTAC-a bildiriblər ki, bölgədə qarın qalınlığı 15-20 santimetrə çatıb. Gecədən 30 kənddə elektrik enerjisi kəsilib.
Səhər tezdən yaradılan xüsusi briqada bərpa işlərinə başlayıb. Artıq günortayadək yaşayış məntəqələrinin 20-də enerjinin verilişi bərpa olunub. Axşamadək digər kəndlərdə də bərpa işləri başa çatdırılacaq.
