Aktual mövzular: Dollar alış-satışı , Hava haqqında, Məzənnə, Neftin qiyməti

142 - "Çağrı mərkəzi"nə müraciətlər azalıb

142 - "Çağrı mərkəzi"nə müraciətlər azalıb

Date: 4 December 2015 15:53

Bakı. Trend:

Cari ilin noyabr ayında Azərbaycan Əmək və Əhalinin Sosial Müdafiəsi Nazirliyinin 142 - “Çağrı mərkəzi”nə vətəndaşlar tərəfindən 9099 müraciət edilib ki, bu da əvvəlki oktyabr ayı ilə müqayisədə 16% (1742 müraciət) azdır.

Nazirliyin İctimaiyyətlə əlaqələr şöbəsindən Trend-ə verilən məlumata görə, o cümlədən müraciətlərin sayı sosial təminat məsələləri üzrə 9,9% azalaraq 3671-ə, əmək qanunvericiliyi ilə əlaqədar 19,5% azalaraq 1972-yə, tibbi-sosial ekspertiza və əlilliyi olan şəxslərin reabilitasiyası üzrə 17,7% azalaraq 995-ə, məşğulluq məsələləri ilə əlaqədar isə 6,2% azalaraq 828-ə enib. Həmçinin ötən ay 142 - “Çağrı mərkəzi”nə Əmək və Əhalinin Sosial Müdafiəsi Nazirliyinin elektron xidmətlərindən istifadə ilə bağlı 1633 müraciət daxil olub.

Müraciətlərin 92%-də (8374 müraciət) qeyd olunan sahələrlə bağlı sorğular ifadə olunub. Nazirliyin mütəxəssisləri hər bir sorğu ilə bağlı vətəndaşlara dolğun hüquqi izahatlar veriblər.

Əmək hüquqlarının müdafiəsi, bu və ya digər sosial təminat növünə hüququn müəyyən edilməsi məsələlərinin, təklif və şikayətlərin əksini tapdığı 725 müraciət isə araşdırılmaq üçün nazirliyin müvafiq struktur bölmələrinə göndərilib. Onlar qısa müddətdə araşdırılaraq aidiyyəti üzrə tədbirlərin görülməsi təmin edilib.

Bizi Twitter-dən izləyin: @trend_az


Tags:  142 Çağrı mərkəzinə müraciətlər azalıb

RƏYLƏR


Top news