Ötən axşam paytaxtın Səbail rayonunda yol-nəqliyyat hadisəsi baş verib. Lent.az-ın məlumatına görə, avtoqəza Neftçilər prospektində qeydə alınıb. Adıçəkilən prospektlə üzü Azneft dairəsi istiqamətində hərəkətdə olan Samir Usubov "Nissan" markalı avtomobilin idarəetməsini itirməsi səbəbindən, eyni istiqamətdə hərəkət edən Bayram Dadaşova məxsus "Chevrolet"lə toqquşub.
Zərbənin təsiri nəticəsində avtomobil səkini keçərək piyada yoluna çıxıb. Hadisə zamanı sürücülər xəsarət almayıb. Buna baxmayaraq əraziyə təcili tibbi yardım gələrək sürücüləri müayinə edib. Qəzaya səbəb kimi isə, ara məsafəsinin saxlanılmaması göstərilir. Faktla bağlı araşdırma aparılır.
Fərahim Qasımov
