Aktual mövzular: Dollar alış-satışı , Hava, Məzənnə, Neftin qiyməti

"Qafqaz Albaniyasını öyrənirik" layihəsi çərçivəsində "dəyirmi masa" keçirilib

Drezdendə “Azərbaycanda dinlərarası harmoniya: İslam və lüteranlıq" mövzusunda tədbir keçirilib (27 Fevral 2017 19:17)
Azərbaycanda ilk - Uşaq və yeniyetmələr üçün "İslam ensiklopediyası" olacaq (22 Fevral 2017 16:52)
Moskvada Azərbaycan-Rusiya əlaqələrinin 25 illiyinə həsr olunmuş "dəyirmi masa" keçirilib (21 Fevral 2017 18:12)

Tarix: 4 Dekabr 2015 17:13

Bakı. Trend:

Azərbaycan Respublikasının Prezidenti yanında Bilik Fondu “Qafqaz Albaniyasını öyrənirik” layihəsi çərçivəsində Bakı Dövlət Universitetində (BDU) "dəyirmi masa" təşkil edib.

Fondun İnformasiya təminatı sektorundan Trend-ə verilən məlumata görə, "dəyirmi masa"da BDU-nun Tarix fakültəsinin professor-müəllim heyəti və tələbələri iştirak ediblər. Tədbirdə “Azərbaycan tarixində dinlər: xristianlığaqədərki dövr; xristianlıq; islam dini” mövzusunda AMEA-nın əməkdaşları – tarix elmləri doktoru Məhəbbət Paşayeva, tarix üzrə fəlsəfə doktorları Elnur Vəliyev və Ülviyyə Hacıyeva mühazirə oxuyublar.

Mühazirəçilər apardıqları tədqiqatlar əsasında Azərbaycanın çoxlaylı mədəniyyətinin təkamül yolunu, onun özünəməxsusluğunu auditoriyanın diqqətinə çatdırıb, Azərbaycan multikul-turalızminin formalaşmasında sosial hadisə olan dinin rolunu göstərərək, erkən orta əsrlərdə ölkəmizdə baş verən sosial-siyasi proseslər haqqında məlumat veriblər. “Azərbaycan tarixində dinlər: xristianlığaqədərki dövr; xristianlıq; islam dini” mövzusunda oxunan mühazirə auditoriyanın böyük marağına səbəb olub, geniş müzakirələr aparılıb. Tarix fakültəsi Azərbaycan tarixinin qədim və erkən orta əsrlər mərhələsinin daşıyıcısı olan Qafqaz Albaniyası dövrünə aid sərgi təşkil edib.

Sərgi çeşidli nümunələri ilə "dəyirmi masa" iştirakçılarında böyük maraq doğurub.

Bizi Twitter-dən izləyin: @trend_az


Teqlər:  Qafqaz Albaniyasını öyrənirik layihəsi çərçivəsində dəyirmi masa keçirilib



RƏYLƏR


Top xəbərlər