Aktual mövzular: Dollar alış-satışı , Hava haqqında, Məzənnə, Neftin qiyməti

Beynəlxalq əlillər günü münasibəti Qaradağda əlil sakinlərlə görüş keçirilib

Beynəlxalq əlillər günü münasibəti Qaradağda əlil sakinlərlə görüş keçirilib

Date: 4 December 2015 18:03

Bakı. Trend:

Dekabrın 3-də Qaradağ Rayon İcra Hakimiyyətində Beynəlxalq əlillər günü münasibəti ilə rayonun əlil sakinləri ilə görüş keçirilib.

Trend-in məlumatına görə, tədbirdə Qaradağ Rayon İcra Hakimiyyəti başçısının müavini Təranə İsmayılova, rayon İcra hakimiyyətinin əməkdaşları və rayon ictimaiyyəti iştirak edib.

Qaradağ Rayon İcra Hakimiyyəti başçısının müavini Təranə İsmayılova Beynəlxalq Əlillər gününün ölkəmizdə rəsmi şəkildə ümummilli lider Heydər Əliyevin ikinci dəfə hakimiyyətə gəlişindən sonra qeyd olunduğunu diqqətə çatdırıb. Bildirib ki, ulu öndər Azərbaycanın ərazi bütövlüyü uğrunda şəhid olanların ailələrinə, fiziki sağlamlığını itirən insanlara, onların problemlərinə də böyük həssaslıqla yanaşıb, əlillərin, müharibə veteranlarının, şəhid ailələrinin mənzil şəraitinin yaxşılaşdırılması istiqamətində əhəmiyyətli işlər görüb Beynəlxalq əlillər gününün qeyd olunmasında əsas məqsəd ictimaiyyətin diqqətini əlillərin problemlərinə yönəltməklə onların ehtiyaclarını, tələblərini yerinə yetirmək, onlara maddi və mənəvi yardım göstərmək olduğunu vurğulayaraq, bu gün ölkəmizdə əlillərin cəmiyyətə inteqrasiyası, sağlamlıqlarının bərpası, həyat şəraitinin yaxşılaşdırılması istiqamətində həyata keçirilən ardıcıl tədbirlərin Azərbaycan Prezidenti İlham Əliyevin diqqətinin bariz nümunəsi olduğunu bildirib.

Qaradağ rayon Əlillər Cəmiyyətinin sədri Müslüm Nurəliyev tədbir iştirakçıları adından çıxış edərək onlara yaradılan yüksək şəraitə görə ölkə rəhbərliyinə minnətdarlıqlarını bildirib. Dövlətin qayğısı nəticəsində bu gün əlillərin cəmiyyətin tam hüquqlu vətəndaşı kimi fəaliyyəti üçün hər cür şərait yaradıldığını söyləyib.

Görüşün sonunda Qaradağ rayonu ərazisində yaşayan 100-ə yaxın əlil vətəndaşa rayon İcra hakimiyyəti tərəfindən ərzaq yardımı verilib.

Bizi Twitter-dən izləyin: @trend_az


Tags:  Beynəlxalq əlillər günü münasibəti Qaradağda əlil sakinlərlə görüş keçirilib

RƏYLƏR


Top news