Bakı, 4 dekabr, AZƏRTAC
Azərbaycan Dövlət İqtisad Universitetində (ADİU) “Business lady club” yaradılıb.
ADİU-dan AZƏRTAC-a bildiriblər ki, bu ali məktəbin İnnovativ Biznes İnkubatorunda fəaliyyətə başlayan club universitetin xanım tələbələrinə xidmət edəcək.
“Business lady club”da biznesdə uğur qazanmış qadınlar tələbələrə iş həyatında qarşıya çıxacaq problemlərin həllində dəstək olacaq, məsləhətlər verəcəklər.
Həmçinin xanım tələbələrə təlimlər, işgüzar görüşlər keçiriləcək, maarifləndirmə tədbirləri, diskusiya-debatlar, seminar və konfranslar təşkil olunacaq.
Klub qadınların rəhbərlik etdiyi şirkətlərə ekskursiyalar da təşkil edəcək.
