Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Şərur rayonunda növbəti əmək yarmarkası keçirilib

Şərur rayonunda növbəti əmək yarmarkası keçirilib

Date: 4 December 2015 19:23


Şərur, 4 dekabr, AZƏRTAC
Cari ilin əvvəlindən Şərur rayonunda keçirilən əmək yarmarkalarında 103 nəfər daimi, eləcə də kənd təsərrüfatı sahəsində mövsümi işlərlə əlaqədar 59 nəfər müvəqqəti işlə təmin olunub, 55 nəfər peşəyönümlü kurslara cəlb edilib.
AZƏRTAC xəbər verir ki, bu faktlar Şərur şəhərindəki Mədəniyyət Sarayında keçirilən növbəti əmək yarmarkasında səsləndirilib.
Tədbirdə Şərur Rayon Məşğulluq Mərkəzinin direktoru Məmməd Məmmədov rayonda əhalinin məşğulluğu istiqamətində həyata keçirilən tədbirlərdən danışıb. O deyib ki, işaxtaran vətəndaşların, xüsusilə gənclərin işlə təmin olunması sahəsində mühüm əhəmiyyət kəsb edən tədbirlərdən biri də əmək yarmarkalarıdır. Muxtar respublikanın məşğulluq mərkəzləri işlərini təmsil etdikləri bölgələrdə idarə, müəssisə və təşkilatlarla əlaqəli şəkildə quraraq boş iş yerləri haqqında məlumatlar toplayır, əmək yarmarkalarında həmin yerləri qeyri-məşğul vətəndaşlara təqdim edirlər. Şərur Rayon Məşğulluq Mərkəzi də fəaliyyətini bu istiqamətdə qurub.
Şərur Rayon İcra Hakimiyyətinin əməkdaşı Füzuli Hüseynov çıxışında bildirib ki, yaradılan yeni infrastruktur, aparılan genişmiqyaslı tikinti-quruculuq işləri, yeni sənaye və emal müəssisələrinin, istehsal sahələrinin işə salınması rayonda əhalinin məşğulluğunun təmin olunmasına xidmət edir. Bölgədə həyata keçirilən məşğulluq tədbirləri əhalinin sosial müdafiəsinin gücləndirilməsində, insanların daimi işlə təminatında mühüm rol oynayır və sakinlər tərəfindən onlara göstərilən yüksək qayğı kimi dəyərləndirilir.
Sonra yarmarkaya gələnlər onlara təqdim edilən vakant iş yerləri ilə tanış olublar. 30 müəssisə və təşkilatdan 262 boş iş yerinin çıxarıldığı yarmarkada 22 nəfərə işə göndəriş verilib.


Tags:  Şərur rayonunda növbəti əmək yarmarkası keçirilib


RƏYLƏR


Top news