Aktual mövzular: Dollar alış-satışı , Hava, Məzənnə, Neftin qiyməti

Heydər Əliyev Sarayında Nikita Mixalkovun yaradıcılıq gecəsi keçirilib

Heydər Əliyev Sarayında Nikita Mixalkovun yaradıcılıq gecəsi keçirilib

"Muğam və Mənəviyyat" adlı ədəbi-bədii kompazisiya gecəsi keçirilib - FOTO (22 Mart 2017 14:05)
Heydər Əliyev Sarayında "Bayram konserti" keçiriləcək (17 Mart 2017 10:47)
Heydər Əliyev Sarayında Azərbaycan, Rusiya, Qazaxıstanın KVN komandaları çıxış edəcək (24 Fevral 2017 11:32)

Tarix: 4 Dekabr 2015 19:42

Bakı. 4 dekabr. REPORT.AZ/ Heydər Əliyev Sarayında Rusiya Kinematoqrafçılar İttifaqının sədri və Rusiya Mədəniyyət Fondunun prezidenti, görkəmli kinorejissor, aktyor, ssenarist, Rusiyanın xalq artisti Nikita Mixalkovun yaradıcılıq gecəsi keçirilib.
"Report" xəbər verir ki, Nikita Mixalkov «Свой среди своих» proqramı ilə öz tamaşaçılarının görüşünə gəlib.
Tədbirdə Azərbaycanın mədəniyyət və turizm naziri Əbülfəs Qarayev, nazirliyin rəsmi şəxsləri, tanınmışı elm, mədəniyyət və incəsənət xadimləri iştirak ediblər.
Gecə əvvəlcə Nikita Mixalkovun rejissoru olduğu və aktyor qismində çəkildiyi fimlərin qısa videoçarxının nümayiş etdirilməsilə başlayıb. Daha sonra alqış sədaları altında səhnəyə gələn rusiyalı kinorejissor ilk öncə Azərbaycan Respublikasının Prezidenti İlham Əliyevə təşəkkür edib. Atasını və anasını xatırlayan Nikita Mixalkov onlar haqqında çəkdiyi sənədli filmindən fraqmentlər nümayiş etdirib, gənclik illərindən bu günədək çəkildiyi və çəkdiyi filmlərdən ətraflı söz açıb.
Qeyd edək ki, Nikita Mixalkovun Azərbaycana səfəri və keçirdiyi tədbirlər Mədəniyyət və Turizm Nazirliyinin təşkilatçılığı ilə baş tutub.
Xatırladaq ki, Kann, Venesiya kimi dünyanın nüfuzlu kino festivallarının qalibi, "Oskar" mükafatı laureatı Nikita Mixalkov bir çox filmlərin rejissoru, ssenaristi, baş prodüseri və bədii rəhbəridir.  

Teqlər:  Heydər Əliyev Sarayında Nikita Mixalkovun yaradıcılıq gecəsi keçirilib



RƏYLƏR


Top xəbərlər