Bakı, 4 dekabr, AZƏRTAC
Gələn ilin əvvəllərində Yaponiya radardan yayınan qırıcı təyyarəsinin ilk sınaq uçuşlarına başlayacaq.
AZƏRTAC ABŞ-ın Popular Science jurnalının internet saytına istinadla xəbər verir ki, on dörd metr uzunluğu olan təyyarə “Mitsubishi Heavy Industries” şirkəti tərəfindən istehsal edilib və dəyəri təxminən 440 milyon ABŞ dollarıdır.
Əgər təyyarə sınaqdan uğurla keçərsə, “American F-22s” və “F-35s”, Rusiyanın “PAK FA”, Çinin “J-20” və “J-31”, eləcə də Koreya və Hindistan qırıcılarından üstün sayılacaq.
