Aktual mövzular: Dollar alış-satışı , Hava haqqında, Məzənnə, Neftin qiyməti

Miqrantlar etirazlara başladı (VİDEO)

Miqrantlar etirazlara başladı (VİDEO)

Date: 4 December 2015 23:36

Balkan ölkələrinin qapılarını miqrantların üzünə bağlaması Yunanıstan-Makedoniya sərhədində əsəbləri tarıma çəkib. Miqrantlar sərhəddə etirazlara başlayıblar. Sərhəddə növbəyə düzülən miqrantlar sadəcə daha yaxşı yaşayış və iş üçün Avropaya köçməyə çalışan əlacsız insanlar və ya qaçqınlar hesab edilirlər.

Ötən gün sərhədin Yunanıstan tərəfində baş tutan etiraz aksiyası zamanı onlarla sərhədi qoruyan polis arasında toqquşma baş verib.

Makedoniyalı polislər yalnız Əfqanıstan, İraq və Suriyadan olan miqrant və qaçqınları ölkə ərazisinə buraxır. Bu ayrıseçkiliyə qəzəblənən iqtisadi miqrantlar isə sərhəd buraxılış məntəqəsi qarşısında süni maneələr yaradaraq, heç kimi sərhəddən keçməsinə imkan vermir.

Toqquşmalar zamanı, Mərakeşdən olduğu deyilən bir miqrant yaxınlıqdan keçən qatarın üzərinə qalxaraq, dəmiryolu naqillərinə toxunub. Elektrik cərəyanı vurmasından həmin miqrant dünyasını dəyişib.

Bundan əvvəlsə, başqa bir miqrant oxşar şəkildə sərhədi keçməyə çalışan zaman onu cərəyan vurub. Ancaq həmin miqrant ağır yanığ yaraları alsa da, sağ qalıb. Onun xəsarətindən sonra sərhəd buraxılış məntəqəsi qarşısında etirazlar daha da kəskinləşib.

Hazırda sərhədyanı ərazilərində əlacsız qalan və müvəqqəti düşərgələrdə yerləşdirilən miqrantların sayı beş min nəfəri ötüb.


Tags:  Miqrantlar etirazlara başladı VİDEO


RƏYLƏR


Top news