Aktual mövzular: Dollar alış-satışı , Hava haqqında, Məzənnə, Neftin qiyməti

IDEA İctimai Birliyi BMT-nin Səhralaşma ilə Mübarizə üzrə Konvensiyasının Tərəflər Konfransına üzv qəbul edilib

IDEA İctimai Birliyi BMT-nin Səhralaşma ilə Mübarizə üzrə Konvensiyasının Tərəflər Konfransına üzv qəbul edilib

Date: 5 December 2015 03:27

Bakı. 5 dekabr. REPORT.AZ/ Heydər Əliyev Fondunun vitse-prezidenti Leyla Əliyeva tərəfindən 2011-ci ildə təsis edilən IDEA İctimai Birliyi dekabrın 4-də BMT-nin Səhralaşma ilə Mübarizə üzrə Konvensiyasının (UNCCD) Tərəflər Konfransına üzv qəbul edilib.
"Report" xəbər verir ki, əsasi 1994-cü ildə qoyulmuş UNCCD ətraf mühit və torpaqların davamlı idarə olunması sahələrini birləşdirən yeganə beynəlxalq sənəd hesab olunur. Konvensiya 195 dövlət, ö cümlədən 1998-ci ildə Azərbaycan tərəfindən ratifikasiya olunub. Konvensiyanın Katibliyi Almaniyanın Bon şəhərində yerləşir və əsas etibarilə inkişaf etmiş və inkişaf etməkdə olan dövlətlər arasında davamlı torpaq idarəçiliyi sahəsində təcrübə və texnologiya mübadiləsini təmin edir.
Dövlətlərlə yanaşı, vətəndaş cəmiyyəti də UNCCD-nin fəaliyyətində iştirak edə bilər. Belə ki, xüsusi akkreditasiya prosesindən keçmiş 200-ə yaxın qeyri-hökumət təşkilatı hazırda UNCCD-nin üzvüdür.
BMT-nin Səhralaşma ilə Mübarizə üzrə Konvensiyasına akkreditə olan IDEA İctimai Birliyi Azərbaycanı bu Konvensiyada təmsil edən ilk qeyri-hökuməti təşkilatı kimi tarixə düşüb.

Tags:  IDEA İctimai Birliyi BMT-nin Səhralaşma Mübarizə üzrə Konvensiyasının Tərəflər Konfransına üzv qəbul edilib


RƏYLƏR


Top news