Hacıqabulda baş verən avtoqəzada 17 yaşlı sürücü ağır xəsarət alıb.
Milli.Az APA-ya istinadən bildirir ki, saat 23.30 radələrində Hacıqabul-Şirvan magistralının 1-ci kilometrliyində ağır avtoqəza baş verib.
Hacıqabul rayon sakini, M.Hüseynzadə küçəsi, 9 ünvanında yaşayan 1998-ci il təvəllüdlü Abbasov Abbas Rasim oğlu idarə etdiyi VAZ 2107 markalı 44 BN 280 dövlət nömrə nişanlı avtomobili böyük sürətlə körpünün beton dirəyinə çırpıb. Nəticədə avtomobilin sürücüsü ağır kəllə-beyin travması və müxtəlif dərəcəli bədən xəsarətləri ilə Şirvan şəhər xəstəxanasının reanimasiya şöbəsinə yerləşdirilib. Həkimlər xəstənin vəziyyətini ağır qiymətləndirir.
Faktla bağlı Hacıqabul polis şöbəsində araşdırma aparılır.
Milli.Az 
