Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Sumqayıtda yanğın, bir ailə xəstəxanalıq oldu

Sumqayıtda yanğın, bir ailə xəstəxanalıq oldu

Date: 5 December 2015 10:56

Gecə saatlarında Sumqayıtda, Hacı Zeynalabdin Tağıyev qəsəbəsindəki bir ailənin xəsarət alması ilə nəticələnən yanğın hadisəsi baş verib.

Fövqəladə Hallar Nazirliyinin mətbuat xidmətinin ANS PRESS-ə verdiyi məlumata görə, Sumqayıt şəhəri, Hacı Zeynalabdin qəsəbəsində beşmərtəbəli yaşayış binasının 1-ci mərtəbəsində vətəndaşa məxsus 2 otaqlı mənzilin yanar konstruksiyaları və 1-ci mərtəbənin pilləkən qəfəsində quraşdırılmış 8 ədəd işıq, 4 ədəd su, 2 ədəd qaz sayğacı yanıb.

Yanğın zamanı bina sakinlərindən 3 nəfər tüstüdən zəhərlənmiş halda yanğınsöndürənlər tərəfindən Təcili Tibbi Yardım Xidmətinə təhvil verilib, 25 nəfər bina sakini yanğınsöndürənlər tərəfindən təxliyyə olunub.

Qonşu mənzillər yanğından mühafizə olunub.

Sumqayıt Şəhər Təcili Tibbi Yardım Xəstəxanasından ANS PRESS-ə verilən məlumata görə, xəsarət alanlar bir ailənin üzvləridir. Bunlar:

Hüseynağa Salman oğlu Şirəliyev - 1958-ci il
Tünzalə Şirməmməd qızı Şirəliyeva - 1963-cü il
İradə Hüseynağa qızı Şirəliyeva - 1985-ci il

Xəsarət alanlardan İrədə Şirəliyeva reanimasiya şöbəsində, onun anası Tünzalə Şirəliyeva isə terapiya şöbəsində müalicə edilir. Ailənin başçısı Hüseynağa Şirəliyev isə ilkin tibbi yardım göstərildikdən sonra evə buraxılıb.





Tags:  Sumqayıtda yanğın ailə xəstəxanalıq oldu

RƏYLƏR


Top news