Aktual mövzular: Dollar alış-satışı , Hava haqqında, Məzənnə, Neftin qiyməti

​Almaniya rəsmisi: "İŞİD-ə qarşı mübarizədə Rusiya ilə bir hərbi bloka daxil olmayacağıq"

​Almaniya rəsmisi: "İŞİD-ə qarşı mübarizədə Rusiya ilə bir hərbi bloka daxil olmayacağıq"

Date: 5 December 2015 13:42

Bakı. 5 dekabr. REPORT.AZ/ "Almaniyanın Suriyada terrorçu İŞİD-ə qarşı mübarizədə Rusiya ilə hərbi blok yaratması mümkün deyil".
"Report" TASS-a istinadən xəbər verir ki, bunu Almaniya hökuməti adminstrasiyasının başçısı Peter Altmayer deyib.
"Düzdür, biz Suriyadakı böhranın siyasi yolla həlliinə dair Vyanada Rusiya ilə bir masa arxasında otururuq. Ancaq dəqiq deyə bilərəm ki, İŞİD-ə qarşı mübarizədə Rusiya ilə eyni hərbi alyansa daxil olmayacağıq ", - o, vurğulayıb.
Qeyd edək ki, ötən gün Almaniya parlamenti (Bundestaq) hökumətin Suriyadakı beynəlxalq antiterror koalisiyasına qoşulması haqda qərarını təsdiqləyib.
Məlumata görə, Almaniya ordusu 2016-cı il dekabrın 31-dək İŞİD-ə qarşı koalisiyada iştirak edəcək. Hökumət bunun üçün 134 milyon avro maliyyə vəsaiti ayırıb.
Almaniya Suriyadakı beynəlxalq antiterror koalisiyasına qoşularaq, bölgəyə "Tornado" adlı kəşfiyyatçı təyyarə, hərbi gəmi və 1200-ə yaxın əsgər göndərəcək.

Tags:  Almaniya rəsmisi İŞİD-ə qarşı mübarizədə Rusiya hərbi bloka daxil olmayacağıq

RƏYLƏR


Top news