ETSN: Lənkəran-Astara bölgəsində yağan intensiv yağış nəticəsində çaylarda suyun səviyyəsində artım qeydə alınıb

ETSN: Lənkəran-Astara bölgəsində yağan intensiv yağış nəticəsində çaylarda suyun səviyyəsində artım qeydə alınıb
15:42 5 Dekabr 2015
31 Sosial
Ölkə mətbuatı
A- A+

Bakı. 5 dekabr. REPORT.AZ/ Azərbaycan ərazisində, xüsusən də Lənkəran-Astara bölgəsində yağan intensiv yağış nəticəsində bu ərazidən axan çaylarda suyun səviyyəsində 43-71 sm intervalında artım qeydə alınıb.
Ekologiya və Təbii Sərvətlər Nazirliyinin Milli Hidrometeorologiya Departamentinin "Report"a verdiyi məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 110-130, Kiçik Qafqazın çaylarında 180-185, Lənkəran-Astara bölgəsi çaylarında isə 450-500 faizini təşkil edir: "Tranzit çaylarda hazırki vəziyyət Kür çayının Qıraqkəsəmən məntəqəsində suyun səviyyəsində 4 sm artım müşahidə olunub. Hazırda məntəqədə su sərfi 195 m3/s olmaqla ongünlük normanın 124 faizini təşkil edir. 2014-cü ildə isə bu rəqəm 140 m3/s olmaqla ongünlük normanın 89 faizini təşkil edib.
Qanıx çayının Əyriçay məntəqəsində suyun səviyyəsində 4 sm azalma müşahidə olunub. Hazırda məntəqədə su sərfi 75 m3/s olmaqla, ongünlük normanın 98 faizini təşkil edir. 2014-cü ildə isə bu göstərici 80 m3/s təşkil edərək ongünlük normanın 104 faizinə bərabər olub".
Departamentdən bildirilib ki, Kür çayının aşağı axınında suyun səviyyəsində artım müşahidə olunub: "Belə ki, Kür çayının Surra məntəqəsində 4, Şirvanda 8, Salyanda 6, Bankədə 10, Araz çayının Novruzlu məntəqəsində isə 5 sm artım qeydə alınıb.
Hazırda Surra məntəqəsində suyun səviyyəsi 380 sm (2014-cü il dekabrın 4-də 404 sm), Şirvanda 239 sm (2014-cü il dekabrın 4-də 279 sm), Salyanda 197 sm (2014-cü il il dekabrın 4-də 275 sm), Bankədə 195 sm (2014-cü il dekabrın 4-də 223 sm), Araz çayının Novruzlu məntəqəsində isə 110 sm (2014-cü il dekabrın 4-də 154 sm) təşkil edir". 

Xəbərin orijinal ünvanı: http://report.az/ekologiya/etsn-lenkeran-astara-bolgesinde-yagan-intensiv-yagis-neticesinde-caylarda-suyun-seviyyesinde-artim

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR