Fransa Liqasının 17-ci turunda "Nitsa" ilə oyun PSJ-nin hücumçusu Zlatan İbrahimoviç üçün əlamətdar olub.
Milli.Az qol.az-a istinadən xəbər verir ki, Paris təmsilçisinin 3:0 hesabı ilə qalib gəldiyi görüşdə isveçli forvard dublla yadda qalıb. PSJ forması ilə meydana çıxdığı 103-cü matçında 87-ci qoluna imza atan İbrahimoviç klub tarixinə keçib. 34 yaşlı futbolçu PSJ-nin Fransa Liqasında ən çox qol vuran oyunçusu olub. İsveç millisinin üzvü oyundan sonra rekorda imza atdığı formasını "Nitsa"nın kiçik azarkeşinə hədiyyə edib.
Qeyd edək ki, 2012-ci ildə "Milan"dan transfer olunan İbrahimoviç cari mövsüm PSJ-də keçirdiyi 11 oyunda 10 qol vurub və 5 məhsuldar ötürmə verib.
Milli.Az