Bakı, 5 dekabr, Pərvanə İmanova, AZƏRTAC
Bakı Slavyan Universitetinin “Dünya ədəbiyyatı” kafedrasinın müdiri, filologiya elmləri doktoru, “Elm çırağı” İctimai Birliyinin sədri, professor Naidə Məmmədxanova “Avropa Nəşr Mətbu Evi”nin mükafat komissiyasının qərarı ilə “Ən yaxşı vətənpərvər tədqiqatçı alim” qızıl medalı və diplomu ilə təltif olunub.
AZƏRTAC xəbər verir ki, alim bu mükafata istedadlı gənc alimlərin hazırlanmasında, dünya ədəbiyyatı tarixi, ədəbiyyatşünaslıq sahəsində apardığı uğurlu elmi fəaliyyətinə, gənclərə vətənpərvərlik hisslərinin aşılanmasında və filologiya elminin inkişafında göstərdiyi xidmətlərə görə layiq görülüb.
