Bakı, 5 dekabr, AZƏRTAC
Dekabrın 5-də qadın voleybolçular arasında Azərbaycan Super Liqasında on üçüncü tur çərçivəsində bir oyun keçirilib.
AZƏRTAC xəbər verir ki, Azərbaycan Voleybol Mərkəzində “Azərreyl” komandası “Telekom”u qəbul edib.
Çempionlar Liqası yarışlarında mübarizə aparan təmsilçimizin duelindən “Azərreyl” 3:0 hesablı qələbə ilə ayrılıb.
“Telekom” 14 xalla turnir cədvəlinin birinci pilləsində yer alıb. “Lokomotiv” və “Azərreyl” komandaları isə 13 xalla 2-3-cü pillədə qərarlaşıblar.
