Bakı. 5 dekabr. REPORT.AZ/ Dünyada hər il 2,6 milyon uşaq ölü doğulur.
"Report" xəbər verir ki, bu məlumatı Ümumdünya Səhiyyə Təşkilatı (ÜST) yayıb.
Məlumata görə, doğulduqdan sonra 28 gün içində 2,7 milyon yeni doğulmuş uşaq ölür.
Ölüm hallarının baş verməsinin əsas səbəblərindən biri kimi doğuşu həyata keçirən heyətin kifayət qədər təchizata sahib olmaması göstərilir.
Hər il dünyada reallaşan 130 milyondan çox doğuş zamanı yüz minlərlə ana və uşaq ölür.
İldə təxminən 130 min qadın doğum zamanı həyatını itirir.
