Aktual mövzular: Dollar alış-satışı , Hava haqqında, Məzənnə, Neftin qiyməti

8 yeniyetmə yanğında həlak oldu (VİDEO)

8 yeniyetmə yanğında həlak oldu (VİDEO)

Date: 6 December 2015 10:56

Rusiyanın Surqut rayonunda baş verən yanğın nəticəsində 8 yeniyetmə həlak olub.

ANS PRESS-in məlumatına görə, faciə dekabrın 5-i saat 23:00 radələrində Lyantor şəhərində baş verib.

Tamamilə yanan evdən 14-16 yaş arası 4 qız və 4 oğlanın cəsədlərini yanğının söndürülməsindən sonra çıxarmaq mümkün olub.
Faktla bağlı cinayət işi açılıb. Yeniyetmələrin bağ evində ad günü şənliyinə yığışdıqları bildirilib. İlkin ehtimala görə yanğın hamamda başlayıb. Uşaqlar oranı tərk edə bilməyiblər və dəm qazından zəhərləniblər.

Hazırda hadisə yerində istintaq bölməsinin rəhbərləri, Rusiya Federasiyasının İstintaq Komitəsinin və Yuqra üzrə daxili işlər nazirliyinin istintaq-operativ qrupu çalışır.

Yanğının səbəbləri araşdırılır. Ehtimal edilir ki, yanğına səbəb sobadan düşən kömür olub. Yeniyetmələrin cəsədləri məhkəmə ekspertizasına göndərilib.





Bu Rusiyada çox saylı uşaq ölümü ilə nəticələnən ilk yanğın hadisəsi deyil. Bu ilin oktyabrın 9-u Rusiyanın Krasnodar vilayətində yerləşən yaşayış evində dəhşətli yanğın baş verib. Yanğın zamanı 7 uşaq həlak olub.

Hadisə Krasnodarın Holmsk kəndində baş verib. Yanğın baş verən zaman evdə olan azyaşlıları xilas etmək mümkün olmayıb.

Məlumata görə, yanğın oktyabrın 9-na keçən gecə azyaşlı uşaqların olduğu ailəyə məxsus evdə baş verib. Bir gün öncə onlara tanışları iki uşağla qonaq gəliblər.

Tags:  yeniyetmə yanğında həlak oldu VİDEO


RƏYLƏR


Top news