Yol qəzası sürücülərdən birinin xəsarət almasına səbəb olub
Gəncə şəhər Polis İdarəsinin rəis köməkçisi Yaşar İsmayılov Lent.az-a bildirib ki, dekabr ayının 15-i Nəriman Nərimanov prospekti ilə Əziz Əliyev küçəsinin kəsişməsində Kəlbəcər rayon sakini Məmmədov Rasim Eldar oğlunun idarə etdiyi 10 DV 554 dövlət nömrə nişanlı “Toyota Prado” markalı avtomobillə, Gəncə şəhər sakini Əkbərov Amil Etibar oğlunun idarə etdiyi “VAZ 2107” 20 CK 157 dövlət nömrə nişanlı avtomobil toqquşub. Nəticədə “VAZ 2107” markalı avtomobilin sürücüsü Əkbərov Amil Etibar oğlu xəsarət alaraq, xəstəxanaya çatdırılıb.
Faktla bağlı araşdırma aparılır.
Vüsalə Cənnətova