FHN-in yanğınsöndürən gəmiləri hazırda yanğının söndürülməsi işlərini həyata keçirir
“Günəşli” yatağının 10-cu dərin dəniz özülündə baş vermiş yanğının söndürülməsi istiqamətində işlər davam etdirilir.
APA-nın məlumatına görə, faciə ilə bağlı keçirilən mətbuat konfransında fövqəladə hallar nazirinin müavini Etibar Mirzəyev bildirib ki, FHN-in yanğınsöndürən gəmiləri hazırda yanğının söndürülməsi işlərini həyata keçirir.
Nazir müavini itkin düşənlərin axtarışının da davam etdirildiyini bildirib. Onun sözlərinə görə, axtarışa FHN-in 3, Dövlət Sərhəd Xidmətinin isə 4 helikopteri cəlb olunub.
Bundan başqa, E. Mirzəyev Türkmənistan və İranının müvafiq qurumlarının, eləcə də dənizdə olan bütün üzən gəmilərin itkin düşənlər barədə məlumatlandırıldığını da bildirib.
