Topaz Premyer Liqasının XV turu çərçivəsində bu gün Lənkəranda baş tutacaq “Xəzər Lənkəran” – “Qəbələ” oyununda hər iki komanda meydana neftçi dəbilqələri ilə çıxıblar.
Apasport.az saytının məlumatına görə, “Neftçi”nin futbolçuları da oyuna dəbilqə ilə çıxaraq faciədə zərər çəkmişlərə öz dəstəyini göstərib.
Qeyd edək ki, dekabrın 4-də “Günəşli” yatağındakı 10 saylı dərin dəniz özülündə yanğın baş verib. Faciə zamanı 32 nəfər xilas olub, 1 nəfər həlak olub, 30 nəfər isə itkin düşüb.
