Aktual mövzular: Dollar alış-satışı , Hava, Məzənnə, Neftin qiyməti

Quş qripi ilə bağlı növbəti monitorinq başlayıb

Quş qripi ilə bağlı növbəti monitorinq başlayıb

Rusiyada “quş qripi” təhlükəsi - 11 min... (05 Mart 2017 01:13)
Rusiyada “quş qripi”ndən 11 mindən çox toyuq tələf olub (05 Mart 2017 00:05)
Moskva ətrafında “quş qripi” tüğyan edir (04 Mart 2017 23:59)

Tarix: 7 Dekabr 2015 10:39

Quş qripinin Azərbaycana köçəri quşlarla keçmə ehtimalını diqqət mərkəzində saxlayan Kənd Təsərrüfatı Nazirliyi yanında Dövlət Baytarlıq Nəzarəti Xidməti (DBNX) bu gündən növbəti monitorinqə başlayıb.

DBNX-nin mətbuat xidmətindən Lent.az-a verilən məlumata görə, monitorinq DBNX-nin, Səhiyyə, Ekologiya və Təbii Sərvətlər nazirliklərinin mütəxəssis və əməkdaşlarının iştirakı ilə aparılır. Nəzarət tədbirinin köçəri quşların müvəqqəti məskunlaşdığı Abşeron yarımadası, Şabran, Salyan, Ağcabədi və Lənkəran rayonlarındakı milli qoruq və parklarda, həmçinin ölkənin dəniz sahili zonalarında və digər ərazilərdə həyata keçirilməsi nəzərdə tutulur.

Bundan əlavə, monitorinq aparılan müddətdə quşçuluq və şəxsi təsərrüfatlardan da nümunələrin götürülməsi planlaşdırılır. Ölkə ərazisində köçəri və ev quşlarına görə aparılacaq monitorinq zamanı götürüləcək qan və patoloji materiallar Respublika Baytarlıq Laboratoriyasında müayinə olunacaq. Nəticələr isə dekabrın 18-də ictimaiyyət üçün açıqlanacaq.

DBNX əhalinin və quşçuluq təsərrüfatı rəhbərlərinin nəzərinə çatdırır ki, köçəri quşların miqrasiyası ilə əlaqədar ev və sənaye quşları qapalı şəraitə keçirilməli, heyvanlarda özbaşına müalicə, peyvəndləmə və digər tədbirlər aparılmamalı, eləcə də heyvanlar baytarlıq-sanitariya tələblərinə cavab verən şəraitdə saxlanılmalıdır.

Onu da qeyd edək ki,hazırda quş qripi xəstəliyinə görə respublikamızda epizootik vəziyyət sabitdir. 


Teqlər:  Quş qripi bağlı növbəti monitorinq başlayıb



RƏYLƏR


Top xəbərlər