Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan iqtisadiyyatına kredit qoyuluşu azalıb

Azərbaycan iqtisadiyyatına kredit qoyuluşu azalıb

Date: 7 December 2015 11:07

Bakı. 7 dekabr. REPORT.AZ/ Azərbaycan iqtisadiyyatına məcmu kredit qoyuluşlarının həcmi 2015-ci il noyabrın 1-nə 21 330,9 mln. manat təşkil edib. Bu, oktyabrın 1-nə olan analoji göstərici ilə müqayisədə 291,6 mln. manat və ya 1,3% azdır. 
"Report"un Azərbaycan Mərkəzi Bankının (AMB) rəsmi hesabatına istinadən verdiyi xəbərə görə, ilin əvvəli ilə müqayisədə iqtisadiyyata kredit qoyuluşları 928,6 mln. manat və ya 4,6% artıb. Ötən ilin analoji dövrü ilə müqayisədə isə artım 1 658,8 mln. manat və ya 8,4 % olub.
Qeyd edək ki, bu, 2015-ci il ərzində baş verən ardıcıl 8-ci aylıq azalmadır. Yeganə artım fevralda - manatın devalvasıyası zamanı baş verib. 
Qeyd edək ki, fevralda iqtisadiyyata kredit qoyuluşlarında baş verən artımda (11,8%) manatın devalvasiyasının ciddi təsiri olub. Çünki iqtisadiyyata kredit qoyuluşlarının bir hissəsi xarici valyutada həyata keçirilib. Milli valyutanın fevral devalvasiyası isə öz növbəsində həmin göstəricinin manat ekvivalentində artmasına səbəb olub.

Tags:  Azərbaycan iqtisadiyyatına kredit qoyuluşu azalıb

RƏYLƏR


Top news